曹仁超：中国「保八」都撑不起全球（2009.08.10）

Alex

　　8月9日，周日。美元弱势仍主导一切，包括股市、外滙及金属价格等。家吓仍睇唔清美元滙价大方向，只有见步行步。因为Markets can do anything，并唔系好似一般人想像中咁理性，尤其系家吓仍处于流动资金过剩期。作为投资者应在非理性环境下保持冷静。股市到咗家吓已唔系上升或回落，而系进入我地小时候喺楼梯间玩「猜程寻」游戏。边个猜输咗便落一级、边个猜赢咗便上一级。大家喺楼梯间「上上落落」，边个最快完成任务就赢。

　　沪深A股8月份进入调整，但唔系大跌，幅度可能较之前估计前升幅三分一更少亦唔奇，因为内需市场仍未充分发展起来。

　　英国已宣布第二次量化宽松货币方案，因为实际经济情况较估计中坏，相信无耐之后美国亦需要第二个刺激经济方案，美元自今年3月宣布量化宽松货币政策后已回落14%，重返去年9月水平，至今为止除股市上升外，仍睇唔到其他行业出现复苏。

　　金融危机中场休息

　　2000年科网股泡沫爆破后，2007年仍未重返2000年水平；同样理由，2007年金融危机后，喺可见将来金融股亦未能重返2007年水平。虽然雷曼兄弟已死，贝尔斯登及美林证券已被收购，只余下摩通及高盛，如果前财长保尔森唔及时救AIG，连高盛亦出事，正系朝里有人好做官，但新财长盖特纳唔系高盛出身，贝南奇亦唔系嚟自证券业，各位不妨走着瞧。家吓高盛唔再统治美国金融界啦。

　　股市反弹系咪完成？冇人可事先知道，总之小心D啦！

　　2007年10月股市开始回落主因：一、我地正面对全球失业率上升，呢个系结构性而唔系周期性；二、我地亦面对企业纯利走下波，家吓跌得最劲系金融业及IT业，其次系工业及原材料业，甚至公用事业。今年透过把利率压到接近零去引发资产升值潮，冇人知道可以顶得几耐。作为小市民面对无论薪金、利息甚至股息收入皆下降，但日常生活必需品价格却日日系咁升。今年起响美国每天约有一万个战后出生婴儿加入退休行列时，发现手上??退休金唔足以应付退休开支，只有依赖社会福利金。未来二十年情况都系咁，你话点好？美国将继日本之后走向贫穷，香港情况亦好唔到几多，只有中国例外。2000年中国GDP只及美国12%，2008年已系28%，估计到2025年已相等于美国GDP了。即未来十几年中国前景仍系乐观（A股踏入8月份已开始出现调整）。美国自2007年10月起进入信用破坏期，到今年金融危机并唔系过咗去，只系进入中段休息期，情况好似1930年。

　　中国社科院国际金融研究中心发表公布，今年第二季中国外滙储备净增长1778亿美元。扣除贸易顺差，外商直接投资及滙率波动因素，估计接近1000亿美元热钱响第二季净流入中国股市及楼市。呢个情况由今年3月份开始，平均每月约有300亿美元净流入中国。复旦大学经济学院副院长孙立坚估计，过去五个月净流入资金已高达1220亿美元，呢批热钱流入中国唔系赌人民币升值而系相信流动性膨胀必定喺中国再出现，目的系赚取价格升值。家吓看来似乎已成功，至于呢批热钱几时获利回吐？冇人可以事先知道。

　　黄金跑赢股市

　　根据宾州Wharton大学教授Jeremy Siegel研究所得，1946至1965年美国经济高成长期，每年股市平均回报10%；1966至1981年经济呆滞期，每年股市平均回报-0.4%：1982至2001年又再出现每年平均回报10.5%。至于黄金1946至1965年每年平均回报-2.7%；1966至1981年每年平均回报8.8%；1982至2001年系-4.8%。有理由相信由2000年起未来十六至十八年又一次出现黄金跑赢股市，仲有一点十分有趣系1981至2008年过去二十七年，美债跑赢美股因为美元利率从高峰走向低利率时期。换言之，黄金有佢??黄金岁月，股市亦有自己??精彩时期甚至债券亦可成为过去二十七年最出色??投资项目。唔同时段，各有精彩表现。

　　呢次道指由4月30日至7月8日所形成??头肩顶走势，后市却系由7月8日起从8087点起急升，再次证明图表唔可以用于指数分析上。自从电脑普及后，连初生婴儿只需花三个月时间学走势分析，都可以晓??技巧，仲有几大用途？至于经济学家，《金融时报》响上周批评佢地只识计数却唔识经济历史。结果一而再、再而三地犯下前人??错误，佢地利用大量假设（assumptions）去制成标准模式运行，更错误地认为经济系跟住佢估计中??模式运行。经济从来唔系１＋１＝２咁简单。事实证明经济学家对未来??预测能力唔及天文台对天气预测咁准确。不过，我地仍然需要经济学家做事后孔明工作，例如金融海啸发生后去解释佢??成因，而唔系预测几时再发生。比较可信赖??分析工具仍系趋势投资法，佢搵出股市大方向后便跟随，直到结束为止。事前唔去预测佢可以升得几高及几长，亦唔感情用事及唔主观，一切皆平常心。

　　联储局阻止不了衰退

　　去年10月后全球政府企埋一齐，透过货币政策企图扭转世界经济大方向。呢个做法令所有Credit能够买到??嘢皆涨价，同贝南奇认为响1930年如联储局及时「放水」，系可以阻止大萧条出现。因此佢联同各国政府财金官员咁做，最后佢??理论系咪正确？明年自有分晓。令人担心系2004年开始，投资者买入（或再按）市值高达22000亿美元??商业楼，家吓市值只有13000亿美元，早已陷入资不抵债水平，但银行仍未处理。

　　截至今年7月止，企业唔履行债务合约上升到六年新高。申请第七章（破产法）较去年上升60%，至三万零三十五家，系2000年以来最高。公司债券唔履行率亦上升到13.2%，只较2002年??16.4%略少。杠杆式贷款唔履行率亦达8.2%（去年同期2.1%）。奥巴马认为，美国仍有许多个月才能真正踏入经济复苏期。过去六个月只系成功阻止衰退进一步恶化；2007年12月至今共六百五十万人冇咗份工，估计�]明年上半年前无法改善。过去一年系美国自三十年代大萧条后最恶劣??一次衰退，去年GDP下降3.9%，今年第二季GDP跌幅只系稳定下来（如连续二年GDP下降便系萧条）。联储局成功阻止萧条出现，但衰退仍难免。

　　美国人储蓄率已由去年0％回升到5月份7%，6月又再回落到4.3%。失业率已接近10％，打工仔每周平均工时只有三十三小时（系有记录以来最低）。美国5月份贸赤只有259.6亿美元，系1999年以来最低。美国人开始减少购买新车、LCD电视及新型电脑，令日本及其他过分依赖出口嘅国家大受伤害。IMF估计，今年日本GDP下跌6％。

　　复苏疑幻似真

　　随住失业率上升，消费物价指数回落随处可见，欧洲较美国更严重，因为今年3月起欧罗滙价上升，日本情况亦好唔到几多，甚至中国喺4万亿元人民币刺激方案下消费物价指数一样冇大升。我老曹担心??系美国债券市场泡沫会否爆破，因为未来四年美国政府不断发债去支撑美国经济，家吓只能希望各中央银行继续愿意接受低利率去吸纳美国政府债券。美国家庭所拥有??财富由2007年第三季到今年第一季平均冇??21.6％，系近五十年内最多??一次。美国家庭负债系可支配收入??133％（今年第二季已降至128％，但仍然太高；2003年第一季复苏开始前系85％）。美国五十个州中有四十五个州面对税收大减（个人入息税减少22％，企业税减少57％），但同时面对支出大增。

　　Kaufman响《商业周刊》发表文章，问呢次复苏可以维持几耐？明年经济又点睇？2007年10月至去年10月嘅股市跌幅甚于2000至2002年嘅科网股泡沫爆破。理论上呢次衰退期应较2000至2002年嗰次长，但今年7月份美国赌场股上升44％、房屋建造股上升30％、汽车股上升28％、广告股上升20％、家俬股上升18％及酒店股上升15％，复苏好似真嘅一样。

　　沪深三百指数由去年11月至今升幅已过130％，全球投资者都期待中国能挽救全球经济衰退。过去中国经济依赖出口去带动，家吓中国出口工业生产力已过剩，呢D过剩产能能否迅速转化为供应内需之用？即使今年中国真系能够「保八」，亦只能令环球GDP上升多0.5％。中国呢个经济上嘅细佬，能否孭得起呢个世界经济巨人？細佬，能否孭得起呢個世界經濟巨人？